Sidik
kisəsi
Müalicə
tədbirlərinin siyahısı
Yemiş və qarpız
sidikqovucu xassəyə malik olmaqla yanaşı,
sidik kisəsi üçün faydalı hesab edilir.
Şirinbiyanın kökü sidik kisəsi xəstəliyi
zamanı tə”sirli vasitələrdən biridir.
Xırda doğranmış 50q şirinbiyanı
1L suda 5 dəq qaynadır, yarım gün saxladıqdan
sonra süzüb işlədirlər.
Sidik kisəsi ağrıyan zaman təpəni qaynar
suda bir qədər saxlayır, sonra onu nahiyəyə
təpitmə kimi qoyurlar. Çiy soğan həm
sidikqovucudur, həm də iltihab zamanı faydalı
hesab olunur. Bu baxımdan qara turp və bişirilmiş
çuğundurdan da istifadə etmək olar.
Suda bişirilmiş almanı, şirinbiyanın
dəmlənmişi ilə qatıb işlətmək
sidikqovucu xassəyə malik olmaqla, həm də
sidik kisəsi daşına qarşı faydalı
dərman hesab edilir. Həmçinin 25q yabanı
kasnı yarpağını 1L suda dəmləyir
və daşa qarşı işlədirlər.
Səhərlər acqarına yerkökü şirəsi
içmək də bu baxımdan faydalıdır.
Sidik kisəsində daşlaşma gedərsə
sadə müalicə üsullarından biri üzüm
rejiminə keçməkdir. Bir müddət hər
gün yemək arası fasilələrdə hər
dəfə 1 fincan üzüm şirəsi içmək
məsləhət gürülür.
Yazda dəfnə ağacının yarpaqlarını
və budaqlarını kəsərkən, çıxan
rəngsiz və tamsız mayedən hər gün,
acqarına 1 qaşıq içmək də sidik
kisəsi daşına qarşı yaxşı
vasitədir. Sidik kisəsi xəstə olanlar ispanaq
və turşəng yeməkdə ehtiyatlı olmalı,
duzu az işlətməlidirlər. Ağrı
zamanı bağayarpağının özünü
və kökünü dəmləyərək
şərbətlə işlətmək müsbət
nəticə verir. Gicitkən toxumunu şirinbiyan
kökü ilə birgə qaynadıb suyunu içmək
ağrıları sakitləşdirir. Kəklikotu
və razyana suyu da bu baxımdan münasibdir.
Dəmirtikanın qaynanmış suyu ağrıları
sakitləşdirir. Bu zaman onu şəkərlə
içmək də faydalıdır. Soyuqdan olan
ağrı üçün turunc yağı surtmək
yaxşı tə”sir göstərir.
Nargil yağı (buna hindqozu da deyirlər) içmək
və ya sürtmək, nərgiz yağı sürtmək
ağrını yatırır. Şüyüdü
sarımsaq, sədəfotu və heyva ilə döyüb
yumşaldır, üzüm çiçəyinin
yağı ilə qatıb təpitmə qoyurlar.
Həmçinin pərpərən və arpa unundan
təpitmə qoymaq münasibdir.
Sidik kisəsinin yarası və sidik kanalının
gicişməsi. Zanbaq yağı və
ya uzunqulaq südündə 0.2q mumiyanı əridib
yemək yaranı sağaldır. Gəvən kitrəsi
də bu baxımdan münasibdir. Mərəçüyüdün
qaynanmış suyunu şəkər ilə içmək
faydalıdır, buna bir qədər yemiş tumu
əlavə etmək tə”siri daha da artırır.
Gülxətmi, kərəviz toxumu, ağ xaşxaş,
kəhraba, zə”fəran, çiyid içi, pərpərən
və turşəng toxumu, badam içi, gavalı,
qovrulmuş fındıq, kətan və xiyar toxumunu
turp suyu ilə içmək yara üçün
münasibdir. Şam qozasının içi, kətan
və xiyar toxumu sudik kisəsi gicişməsinə
qarşı münasibdir. Bu zaman qarpız da faydalıdır.
Gicişmə zamanı toyuq əti, arpa sıyığı,
badam yağı yemək, inək, keçi, uzunqulaq
və at südü içmək məsləhətdir.
Sızıltı və gicişməni sağaltmaq
üçün kahı yemək, qasığa şirin
badam yağı sürtmək, təzə keşniş
suyu və ispanaq yemək tövsiyə edilir. Sızıltı
temperaturla olarsa pərpərən toxumunun şirəsi,
xiyar tumunun içi, şəkər qamışı
münasibdir. Bal şərbəti və gülab
sidik kisəsini təmizləyir. Xəstəni
kükürd suyunda oturdub çimdirmək yaxşı
tə”sir göstərir.
Sidikqovucu vasitələr. Bal sidikqovucu
xassəyə malikdir. Kəklikotu, kərəviz
və ilanotunun qaynanmış suyu, gicitkən toxumunun
dəmləməsi də sidikqovucu tə”sir göstərir.
Boymadərənin qaynanmış suyunda yarımisti
halda oturmaq, ispanaq, yarpız və zirə yemək
sidik ifrazını artırır. Andız kökünün
və bənövşənin, gülxətmi kökünün
dəmləməsini içmək, heyva, nar, qarpız,
tut, yerkökü, yemiş, əməköməci
yemək də sidiyin ifraz olunmasına kömək
edir.
Üzərlik toxumu, şüyüd və çobanyastığı
dəmləməsi, əncir, dəmirtikan və
xiyar suyu içmək sidik tutulmasını zamanı
yaxşı nəticə verir. Üzüm doşabı,
arpa suyu, şalğam və şəkər qamışı
suyu, bulaqotu və yonca suyu da yaxşı tə”sir
göstərir.
Dovşan əti yemək və badam yağı
içmək, cirə və saqqızağacı
meyvəsini dəmləyib içmək də bu
baxımdan faydalıdır.
