Azərbaycan Respublikası dərman bitkilərilə çox zəngindir. Bu bitkilər respublikanın hər yerində - meşəliklərdə, çəmənliklərdə, düzənliklərdə, səhra yerlərində, kolluqlarda və hətda əkin sahələrində, bostanlarda, bağlarda yabanı halda bitir. Bir çox kənd təsərrüfat bitkiləri: heyva, qarğıdalı, balqabaq tumu və başqaları da dərman hazırlamaq üçün xammal kimi istifadə olunur. Xüsusən dağ-meşə rayonları: Quba-Xaçmaz, Zaqatala-Şəki, Talış, Dağlıq Qarabağ zonaları və həmçinin Naxçıvan, Zuvand və başqa ərazilər dərman bitkilərilə zəngindir.
Azərbaycanda çoxlu miqdarda itburnu meyvəçikləri, kəklik otu, çobanyastığı çiçəkləri, çobansüzgəçi, yemişan meyvəçikləri və gülləri, qan otu, palıd ağacı qabığı, razyana meyvəçikləri və s. toplamaq mümkündür.
Azərbaycan iqliminin müxtəlifliyi istənilən miqdarda, tələb olunan dərman bitkilərinin istehsalına imkan verir.
Məsələn, Abşeronda yaxşı inkişaf edir oleandr, Şəki-Zakatala zonasında Qazanlıq qızıl gülü və nanə, yarpız yaxşı inkişaf edir.